الشاعر محمد فتحى
عضو مجلس الادارة
عدد المساهمات : 56
نقاط : 118
تاريخ التسجيل : 02/03/2011
العمر : 59
 |  موضوع: عقارب الساعة . محمد فتحى  الثلاثاء مارس 08, 2011 12:53 pm | |
|
عقارب الساعه
الساعه داخله على الفين !!
على المينا بتلف عقارب
ومافيش قارب فى البحر سليم
غير واحد بس مليان عفاريت !!
عــ الشط بتتمط البراغيت وتنط شمال ويمين
العربى نايم على ضله وخيال المادنه مغطيه
يحلم بالكون افراح من غير مجروح
ولا طير مدبوح على اول قبله !!
ومافيش اسلاك ولا رجل بتقفز من شباك
على طفل برىء !!
ولا ايد بتربط فى الأوتاد طوق المخاليق
ولا صرخه بتطلع مكتومه
من قلب الحفره المردومه بروث الخنازير
لاشريط بيسف ولا بير بيجف
ولارفه ترف على الأوطان
************************
الساعه الفين واتنين
االجو دمار
الريح بتكسر الاستنكار
والشوك من قلب الورد يفوت
الشجب يموووووووووووووت !!
عــ العربى بتتلم البراغيت
من غير تصويت
ولا أى عبيط يطلع بقرار
السما بتعتم عــ الأخبار
وماعدش نهار بيبوح
الليل بيخبى الشمس فى حجره
وبــ رجله يشوووووط الحلم بعيد
**************************
الساعه الفين وخمسه
الضلمه الدامسه بتمد مجالها
وتفوت عــ المادنه تهد هلالها وتبكى عيالها
ارهاب مشروووع بيمص ضلوع ورقاب
وزعيم مخلوع من بعد ما داب
*************************
الساعه الفين وسته
العـــــــــــــــــــــــالم سلطه
والشله الساقطه لساها قويه
بتقول للعربى شوف الأضحيه
على الباب الشرقى
كل عام وانتم بخير
جاى لسه كتير للعلم
والعربى غرقان فى الحلم
**************************
كلمات الشاعر
محمد فتحى السيد
<<2007 >>
| |
|
