الشاعر محمد فتحى
عضو مجلس الادارة
عدد المساهمات : 56
نقاط : 118
تاريخ التسجيل : 02/03/2011
العمر : 59
 |  موضوع: تا تا . تا تا . حبه حبه !! .. محمد فتحى  السبت مارس 05, 2011 6:47 pm | |
| تا تا . تا تا . حبه حبه !!
خُد لك رضعه
لبنك بودره
هايلين عضمك
ويريح رجلك من المشاوير الفاضيه
أحسن من الأكل المتهرمن و المتسرطن
اشرب . اشرب واتسلطن !!
@@@@@
تا تا . تا تا . حبه حبه !!
يمكن نص لمونه وشََبَّه تكوى جراحى
خليك صاحى نلعب هُبَّه
لحمى اتخصخص
عضمى اتمصمص
واتطبّعت خلاص ع الراحه
نفسى اعملك خمسه سياحه فى شرم وطابا
@@@@@
تا تا . تا تا . حبه حبه !!
يمكن بكره تخطى العتبه
وتلمح عينك نور الشمس
دوس بشويش ع الخطوه الجايه
حاسب . نضارتك عاميه
وساعتك واقفه
زى البنت المستنيه فتى أحلامها
من قرن وعدها ولسه ماجاش
يمكن يقابلها فى الخطه الخمسيه الجايه !!
@@@@@
تا تا . تا تا . حبه حبه !!
شد حِزامك
خَلى لِجامك قافل حلقك
استِك وسطك
لساه ماسك رجل الكنبه
جنب اخواتك العب حبه
زى اليويو !!
إياك تسند يوم ع الكرسى
راح تـتـزحلق
عيط صوت ماتصوتشى
صوتك متحدد له مسار
من قبل ماتبكى !!
@@@@@
تا تا . تا تا . حبه حبه !!
حاول مره تخطى العتبه
بشويش عدى من الديانه
يمكن تلمح أى علامه
سهم يدلك ع المستقبل
تا تا . تا تا . حبه حبه !!
خطى الحفره
فك الشفره
ازحف بدل
راح تتعدل
راح تتعدل
***************************
محمد فتحى السيد
2007 | |
|
