الشاعر محمد فتحى
عضو مجلس الادارة
عدد المساهمات : 56
نقاط : 118
تاريخ التسجيل : 02/03/2011
العمر : 59
 |  موضوع: حبيبتى أم الكون .. محمد فتحى  السبت مارس 05, 2011 6:12 pm | |
| حبيبتى أم الكون
******************
من أول النشأه
بيكى انا مفتون
كل القلوب عاشقه
حبيبتى أم الكون
فى الفنا التالت
فتحنا ع التالت
عيارنا كان فالت حصلنا ميت مليون
خيرك يا أمى كتييييير
يكفى البشر والطير
وشبابنا أمله كبير يقابل المأذون
ف الغربه والترحال
شابوا ولسه عيال
بيجمعوا فى المال حتى ولو عربون
أكاله بطاله
والحاله بطاله
ولاحاجه منطاله د القبر صار مسكون
ياجدى ياخوفو
ابنى اتولد شوفه
مكتوب على كفوفه الطفل ده مديون
اسواقنا مفتوحه
لماريكا ولتوحه
ونفوسنا مجروحه وعلاجها مش مضمون
مايوهاتنا بكينى
وشاينا من الكينى
وبضايع الصينى من كل صنف ولون
ماليه حواريكى
طوابيييييير أهاليكى
والقمح امريكى فى دقيقك المطحون
افكارنا مسروقه
احلامنا محروقه
فرحتنا مشنوقه بحبل البنتاجون
من اول النشأه
بيكى انا مفتون
كل القلوب عاشقه
حبيبتى أم الكون
*********************
2006 | |
|
