زجل للشاعر محمد عودة

.... (مـن أيـن هــــذا ؟؟ يـا واد يـا لـولـو ؟؟!! )....
.........( من منشوراتي قبل الثورة )................

ياواد يا لولو يا بن ام لولو
................ اسمع يا شاطر اللي هـقـوله
الدنيا فانية وف ظرف ثانية
................. بابا .. اللي طـال غـيره يطوله
========
شايفك ليلاتي هـباش فلاتي
.............. لا انت هلالي ولا ابوك زناتي
لايمها حبة وارحـمنا حـبة
............... الناس حالتها بتسوء يوماتي
=======
في كل نيلة محـشـور بحـيلة
................ دخـان وتوشـكا وبتاع بليـلة
واكمن ماما سـايـباك يا لولو
................. تـنـدار عـلـيـنا خيـبتك تقـيلة
======
الباشا جدو .. كان يوم ما يدوا
............... يدوه بريزة .. ويقـول يا سـعـده
والكوبيا عنده كان زي ولده
............... مـزروع في جيبه ولا حد قده
=====
يعني العـبارة طـبقـين بصارة
................ من غـير تقالي والشاي عكارة
والجزمة ازمة ومالهش لازمة
.................. نـقـرا الدفـاتر ارخي السـتارة
=====
يعـني يا لولو .. لا ميراث سابوله
.................. ولا ماما كانت باباها صولو
من أين هـذا ؟. وازاي.؟ وماذا؟
.................. إيه الإجـابه لـو يـسـألـولـو ؟
=====
ياواد يا لولو يا بن ام لولو
............... اسمع يا شاطـر اللي هـقـوله
الدنيا فانية وف ظرف ثانية
................ بابا .. اللي طـال غـيره يطـوله

» لأ .. ياكل البشر ( للشاعر مدحت عطية )
» دراسة مستوفية عن شعر العامية . للشاعر أحمد عبد الجواد
» يوميات (شقيان وتعبانه ) للشاعر محمد فتحى والشاعرة أسماء محمود
» صور للشاعر السيد فتحى
» فجأة ( للشاعر مدحت عطية )